Plantun de Prouvènço

Pèr coumpara dos planto d'encò nostre

Sinapis arvensis & Morus alba

Moustardo-fèro

Sinapis arvensis

Brassicaceae Cruciferae

Àutri noum : Lasseno, Ravaniscle, Ravanello.

Nom en français : Moutarde des champs.

Descripcioun :
S'atrobo d'en pertout, dins tóuti li terro faturado (marrido erbo). Se recounèis eisa emé si flour jauno en crous e si boudousco dreissado.

Usanço :
Se pòu manja li jòuini fueio. Emé li grano se fai uno meno de moustardo e se tiro un òli qu'èi proun bon pèr li péu di mai se ; se fai peréu d'emplastre (ancoues...).

Port : Erbo
Taio : Pancaro entresigna
Fueio : alterno
Tipe bioulougico : Pancaro entresigna
Cicle bioulougico : Pancaro entresigna

Gènre : Sinapis
Famiho : Brassicaceae
Famiho classico : Cruciferae

Coulour de la flour : Jauno
Petalo : 4
Ø (o loungour) flour : Pancaro entresigna
Flourido : Printèms Autouno - Ivèr

Sòu : Ca
Autour basso e auto : Pancaro entresigna
Aparado : Noun

Liò : Champ
Estànci : Pancaro entresigna
Couroulougi : Pancaro entresigna
Ref. sc. : Sinapis arvensis L., 1753

Amourié-blanc

Morus alba

Moraceae

Àutri noum : Amourié, Amouhié, Amourié-rose.

Nom en français : Mûrier blanc.

Descripcioun :
L'amourié-blanc se rescontre encaro d'eici, d'eila, dins li colo e la campagno. S'èi naturalisa dins la valado dóu Rose. Se recounèis à si fueio óuvalo, en cor à la baso, e dentado. Se pòu vèire de varieta roso que ié dison amourié-rose (fotò).

Usanço :
Se saup que l'amourié, que nous vèn d'Asìo dóu couchant, fuguè proun cultiva pèr abali, emé si fueio, li magnan. Aquéli d'aqui manjon rèn qu'acò. Lou fru de l'amourié-blanc se manjo pas gaire au nostre, au contro de l'amourié-negre. Li fueio soun vertuouso pèr ajuda à digeri e dourmi, pèr lucha contro li fèbre e coume remaisso doulour.